pallvi

एक मोठी घुसमट
« on: October 21, 2016, 01:43:11 PM »
रिकामेपण

रिकामेपण अनुभवलंय का कधी?
घर माणसांनी भरलेलं असणं, आजूबाजूला माणसांची रेलचेल असणं आणि तरीही मन पोकळीच्या भोवऱ्यात अडकून जावं याहून मोठं रितेपण काय असेल?
रितेपण बोलूनही न दाखवता येणं हि एक मोठी घुसमट असते.

माझ्याजवळ असलेल्या गोष्टी इतरांना नाही मिळाल्या पण मला मिळाल्या आणि म्हणून मी खुश रहावं हे पचवणे तितकंसं सोप्पं का जात नाही?
असलेल्यांना किंमत नसते म्हणून? की नसलेल्या मागेच मन वेडं होतं म्हणून?
आनंद, राग, द्वेष यापासून माणूस इतका लांब जावा?

मदत नकोय, आधार तर नकोच नकोय. आधारातही छुपा हिशोब असतो.
कोण घेऊन फिरतंय ह्या मनाची किल्ली?
दार लावून नाही घेतलंय पण सताड उघड्या दारावरचा रिकामा उंबरा सलतोय बहुतेक.

jyotilekha

Re: एक मोठी घुसमट
« Reply #1 on: November 03, 2016, 09:09:16 AM »
Sundar.