sachinikam

मूकस्पंदने
« on: October 20, 2015, 09:24:28 AM »
मूकस्पंदने

काय केला गुन्हा की कुकर्म पूर्वजन्मीचे
सरेना हा भोग तोडू कशी ही बंधने
हिरावले स्वातंत्र्य कशी मूक झाली स्पंदने

शुष्क कंठ दाटलेला झरा अश्रूंचा आटलेला
खेळ नियतीने थाटलेला पतंग अस्मितेचा फाटलेला
घनदाट अंधार सभोवताली दाटलेला
उडणार कसा पक्षी पंख छाटलेला
उजळतो हिरा लाभता कांचनी कोंदणे
सांगू कुणाला कशी मूक झाली स्पंदने

दिशाहीन भरकटलेले निशादिन फरफटलेले
भडके उदरात भूकेचा जाळ
संपेल कधी असह्य कर्दनकाळ
जाण्यायेण्याने जगात का होई विटाळ
पैलतीरा जाऊ कसे खोल पाणी गढूळ गाळ
ये धावुनी मदतील देवा करतो शतकोटी वंदने
हाका तरी मारू किती कशी मूक झाली स्पंदने
--------------------------------------
कवितासंग्रह: मुग्धमन
कवी: सचिन निकम
संपर्क: ९८९००१६८२५, पुणे
sachinikam@gmail.com
---------------------------------------

Swapnil Dhobale

Re: मूकस्पंदने
« Reply #1 on: October 20, 2015, 10:04:47 PM »
छान कविता आहे ...
Swapnil Mahadev Dhobale

sachinikam

Re: मूकस्पंदने
« Reply #2 on: October 21, 2015, 09:45:57 AM »
धन्यवाद स्वप्नील.